Ислам диненең җиде кагыйдәсе

Исламда ару-пакьлекнең җиде кагыйдәсе.

Кулның арулыгы: үзеңнеке булмаган әйберләрне алмаска һәм байлыкның кырыктан бер өлешен мохтаҗларга бирергә, гади генә әйткәндә, сәдака биреп ярдәм итүдә саран булмау.

Колакларның арулыгы: гайбәт, фетнә һәм дошманлыкка чакыручы сүзләрне тыңламау.

Күзләрнең арулыгы: кешеләргә хөсетлек, бозыклык һәм вәсвәсә белән карамау.

Авызның арулыгы: буш сүздән, гайбәттән һәм чиксез күп сөйләүдән тыелу.

Тәннең, киемнең һәм яшәгән урынның ару-саф һәм пөхтә булуы.

Уй һәм фикернең ару булуы: гөнаһлы фикерләргә юл куймау, бигрәк тә кешеләр турында тиешсез начар уйламау.

Йөрәкнең ару булуы: көферлек, монафыйклык, тәкәбберлек һәм хөсетлек чирләреннән пакь булу, дип яза "Ислам нуры" төркеме.

https://kiziltan.rbsmi.ru/articles/iman/Islam-dinene--ide-kagiyd-se-93455/