Башкортстанда бердәм транспорт картасы кертелә

Пассажирлар аны бүгеннән үк "Уфа-печать" киоскларында сатып алала. Шушы көннәрдә "Алга" картасы "Альдо" һәм "Башспирт" кибет челтәрләрендә, шулай ук БР "Башавтотранс" ГУП карталарын тулыландыру пунктларында һәм "Башфармация" даруханәләрендә барлыкка киләчәк. Киләчәктә картаны "Русия Почтасы" һәм "Сбербанк" бүлекләрендә сатып алырга мөмкин булачак. Карта хакы 50 сум.

Башта карталар Уфа шәһәрендә, аннары республиканың башка шәһәрләрендә һәм районнарында барлыкка киләчәк. Транспорт карталары сатуга нульле баланс белән киләчәк. Аның иясе картаны теләсә нинди уңайлы суммага, ләкин бер юл йөрү хакыннан ким булмаган суммага тулыландыра. Картага акчаны онлайн, шулай ук эре тукталыш пунктларында тулыландыра ала. Тулыландыру пунктларының челтәре таралачак. Кулланучылар өчен шулай ук интернет түләү - Сбербанк-онлайн, интернет-банк УралСиб аша мөмкин булачак. Карта белән ул куллануга ярашсыз булганчы кулланырга була.

Автобусларда юл йөрүне кулдан акчасыз түләүгә күчү 1 июльдән актив фазага күчәчәк.

Пассажирлар өчен бердәм транспорт картасы җәмәгать транспортында юл йөрүнең уңайлы инструментына әйләнәчәк.

Киңкүләм мәгълүмат чараларыннан Римма Шамуратова хәзерләде.