+16 °С
Болытлы
Барлык яңалыклар
Гомуми мәкаләләр
28 июнь 2019, 10:17
Владимир Путин "Егерме төркеме" саммитына Япониягә бара
"Егерме төркеме" әгъзалары булган дәүләтләрнең һәм чакырылган илләрнең делегация башлыклары саммитының утырышлары барышында глобаль икътисад һәм финанслар, дөнья сәүдәсе һәм инвестицияләр, инновацияләр һәм санлаштыру, хезмәт базары һәм сәламәтлек саклау, тотрыклы үсеш, инфраструктура, энергетика, климат һәм әйләнә-тирә мохитне саклау кебек темалар турында фикер алышачаклар. Саммитның йомгаклау декларациясендә төп килешүләр теркәләчәк.
Владимир Путин Осакада саммит алдыннан БРИКС лидерларының очрашуында катнашачак, шулай ук Русия, Һиндстан, Кытай вәкилләре белән очрашуда катнашуны күздә тота.
Моннан тыш, дәүләт башлыгы Көньяк Африка Республикасы, АКШ, Франция, Көньяк Корея, Төркия, Мисыр президентлары, Бөекбритания Премьер-министры, Германия федераль канцлеры һәм Согуд Гарәбстанының варис принцы белән икеяклы очрашу уздырачак.
29 июньдә Русия Президенты Владимир Путинның Япония Премьер-министры Синдзо Абэ белән сөйләшүләрендә Русия-Япония хезмәттәшлеге һәм халыкара көн тәртибендәге актуаль мәсьәләләр буенча фикер алышу планлаштырыла. Лидерлар Япониядә - Русия, Русиядә Япония елларын ябу тантанасында чыгыш ясаячак.
Киңкүләм мәгълүмат чараларыннан Ләйсән Вәлиуллина хәзерләде.
#ВладимирПутин
Читайте нас:
© 2024 "Безнең дәвер" Миякә районы муниципаль районның иҗтимагый-сәяси гәзите сайты
Телефон
8(34788)2-10-84
Электрон почта
Адресы
Миякинский район, село Киргиз-Мияки, ул. Ленина, 19.
Реклама хезмәте
8(34788)2-10-87
Редакция
8(34788)2-17-84