-11 °С
Болытлы
75 лет Победы
Барлык яңалыклар
Гомуми мәкаләләр
5 июль 2019, 09:35

Владимир Путин хаҗ турындагы законга кул куйды

ТАСС агентлыгы хәбәр итүенчә, Русия Президенты Владимир Путин хаҗиларның махсус хокукый статусын билгеләүче һәм дини оешмаларга хаҗ кылу эшчәнлеге алып бару өчен хокук бирүче законга кул куйды. Документ хокукый мәгълүматның рәсми порталында урнаштырылган.

«Русиядә туристлык эшчәнлеге нигезләре турында» һәм «Вөҗдан иреге һәм дини берләшмәләр турында»гы федераль законнарга үзгәрешләр кертелә.

Закон хаҗиларның Русия территориясендә һәм аннан читтә урнашкан дини урыннарда (хаҗ кылу), дини йолаларда һәм тантаналарда (хаҗ кылу сәфәре) катнашу максатларында сәфәр кылган физик берәмлек булуын билгели.

Шул ук вакытта хаҗилар үз сәфәрләрен турыдан-туры яисә дини оешмалар аша оештырырга хокуклы.

Закон рәсми басылып чыкканнан соң 120 көн узгач көченә керә.
Киңкүләм мәгълүмат чараларыннан Ләйсән Вәлиуллина хәзерләде.
#ВладимирПутин
Читайте нас в