-27 °С
Болытлы
75 лет Победы
Барлык яңалыклар
Гомуми мәкаләләр
22 июль 2019, 09:06

Путин ипотека ставкаларын киметү яклы

Ипотека ставкаларын киметү, шулай ук балалы гаиләләрнең торак шартларын яхшырту программалары турында Президент Магнитогорскида металлургия комбинаты хезмәткәрләре белән сөйләште.

"Ипотека - торак белән тәэмин итүнең мөһим коралы", - дип белдерде Владимир Путин. Русия халкының якынча 45 проценты торак шартларын яхшыртырга планлаштыра, диде ул.

Хөкүмәт һәм Үзәк банкның бурычы - ставканы 8 проценттан да түбәнрәк итү, дип дәвам итте дәүләт башлыгы. Бу икътисад һәм банклар өчен кредитлар бәясе белән турыдан-туры бәйле. Үзәк банк хәзер төп ставканы киметте һәм ипотека буенча ставкалар да түбәнәйде, диде Президент.

"Елның икенче яртысында, эксперт бәяләүләре буенча, ипотека ставкалары 10 проценттан кимергә тиеш", - дип белдерде Путин. Шул ук вакытта ике балалы гаиләләр - 6 процент ставка белән ипотека алу мөмкинлегенә ия булырга тиеш, ә өченче баласы булган гаиләләр быелдан ипотека кредиты өлешен түләү өчен 450 мең сум алырга мөмкин, дип искәртте ул.

Шәхси торак төзелеше өчен дә шундый чаралар кертеләчәк, диде дәүләт башлыгы.

Киңкүләм мәгълүмат чараларыннан Ләйсән Вәлиуллина хәзерләде.
#ВладимирПутин
Читайте нас в