Русия халкы Путинга ныклы ышаныч белән яши

15-21 июльдә Бөтенрусия җәмәгатьчелек фикерен өйрәнү үзәге үткәргән сораштыру нәтиҗәләреннән күренгәнчә, гражданнар тарафыннан Русия Президенты Владимир Путинның эшчәнлеген хуплау дәрәҗәсе 65,2 процентка кадәр арткан, ә дәүләт башлыгына ышаныч рейтингы 73 процентка җиткән, бу май ахырыннан алып максималь күрсәткеч булды.

Үзәк мәгълүматлары буенча, Путинга ышаныч турындагы сорауга респондентларның - 73, Дмитрий Медведевка - 38,1, ЛДПР лидеры Владимир Жириновскийга - 35,5, КПРФ башлыгы Геннадий Зюгановка - 35,2, "Гадел Русия" җитәкчесе Сергей Мироновка 28,7 процент уңай җавап биргән.

Шул ук вакытта Русия сәясәтчеләренә ышаныч рейтингында Президент күрсәткече 31 процент тәшкил иткән. Исемлектә икенче һәм өченче урынны оборона министры Сергей Шойгу (13,7 процент) һәм Русия тышкы эшләр министры Сергей Лавров (10,3 процент) алып тора.

Моннан тыш, Бөтенрусия җәмәгатьчелек фикерен өйрәнү үзәге мәгълүматларына караганда, июльдә Дәүләт думасы эшчәнлеген хуплау дәрәҗәсе 40 процентка (июнь аенда - 36га) кадәр арткан.

Киңкүләм мәгълүмат чараларыннан Ләйсән Вәлиуллина хәзерләде.

#ВладимирПутин

Читайте нас: