Милли проект: хезмәт җитештерүчәнлеге арта

Русия Президенты Владимир Путинның 2018 елның 7 маендагы Указына ярашлы расланган “Хезмәт җитештерүчәнлеген арттыру һәм мәшгульлеккә булышлык итү” милли проектын гамәлгә ашыру нәтиҗәсендә Башкортстанда 2024 елга хезмәт җитештерүчәнлеге 6,3 процентка артырга тиеш. Тоташ ил буенча бу күрсәткеч биш процентка тиң. Республиканың сәнәгатькә махсуслашуын исәпкә алсак, төбәк алдында зур бурыч тора.

Башкортстан предприятиеләре чыгарылган продукция күләмен арттырып кына калмаячак, сыйфатында да яхшыртачак. Хезмәт җитештерүчәнлеге өлкәсендәге компетенцияләр буенча федераль үзәкнең генераль директоры Николай Соломон шундый фикер белдерде.

Киләсе биш елда 196 компания сакчыл җитештерү алымын үзләштерәчәк. Производительность.РФ сайтына 50-нән артык гариза килгән. Проектта эшкәртү сәнәгате, авыл хуҗалыгы, төзелеш, ташу һәм саклау, торак-коммуналь хуҗалык кебек юнәлешендә булмаган тармакларда эшләгән оешмалар катнаша ала. Төрле дәүләт ярдәме чаралары аларга сыйфат җәһәтеннән яңа дәрәҗәдә чыгу мөмкинлеген бирәчәк.

Киңкүләм мәгълүмат чараларыннан Римма Шамуратова хәзерләде.

#нацпроекты; #национальныепроекты; #нацпроектыБашкортостан; #регпроекты; #региональныепроекты; #ВладимирПутин

Читайте нас: