Владимир Путин матайда җилдерә

РФ Президенты Владимир Путин шимбә көнне “Төнге бүреләр” байкер клубын Кырымда байк-шоу уздыруга 10 ел тулу белән котлады. Бәйрәм мәйданына Путин Александр “Хирург” Залдостанов озатуында “Урал” мотоциклында килде.

“Барыгызны да биредә күрүемә шатмын, 10 ел элек башлаган традицияне дәвам итүегез куанычлы хәл”, - диде президент.

Ул байкерлар байк-шоу үткәрү өчен бик уңышлы урын сайлаган диде. “Бу бик яхшы башлангыч һәм идея, ул техника һәм мотоцикллар, гомумән ватанын сөючеләрне берләштерә, - дип өстәде Русия лидеры. – Традициягез бик күркәм, шундый батыр һәм текә егетләрнең яшьләргә Русияне ничек яратырга икәнен күрсәтүне күзәтү күңелдә рәхәтлек хисләре тудыра”.

Залдостанов исә: “Без сезгә рәхмәтле, һәм белеп торыгыз, без – сезнең хәрбиләрегез”, - диде.

Байкерлар президентка “Русский реактор” фильмын бүләк итте, алар аны Кырымда төшергән булган. Фильм белән компакт-дискны тапшырганда Хирург Владимир Путинга җылы башлык та бүләк итте.

Киңкүләм мәгълүмат чараларыннан Ләйсән Вәлиуллина хәзерләде.

#ВладимирПутин

Читайте нас: