Мәктәптә һәр укучының үз шкафы булырга тиеш

Дәүләт думасы депутаты Василий Власов укучыларның шәхси әйберләрен саклау өчен мәктәптә шкафлар куярга тәкъдим итә. Ул бу тәкъдим белән Мәгариф министры Ольга Васильевага мөрәҗәгать иткән.

Власов белдерүенчә, бу фикерне аңа очрашу вакытында укучылар үзләре җиткергән.

Укучыларга мәктәпкә көн саен үзләре белән күп әйбер йөртергә туры килә, ә шкаф булган очракта бу хәл җайланыр иде.

Депутат әйтүенчә, андый шкафлар укучыларга мобиль телефоннарны калдыру өчен дә уңайлы булачак.