Агачлар утыртыйк

Республика көнен бәйрәм итү алдыннан, 5 октябрьдә, “Яшел Башкортстан” дип аталган масштаблы акция үтәчәк.

Бу көнне зур үсәргә өлгергән нарат, чыршы, каен, юкә, каштан, пирамидаль тополь агачлары, гөлҗимеш, миләш, спирея куаклары утыртылачак.

Барлык шәһәр һәм авылларда 5 октябрьгә кадәр акция үткәрү өчен тәгаенләнгән мәйданнар, утырту материаллары һәм ашламалар әзерләнәчәк. Агачларны дөрес утырту кагыйдәләре сакланачак, аларны тәрбияләү кышын да дәвам итәчәк. Бу көнне теләгән һәр кеше акциядә катнаша һәм үзенең агачын утырта ала.

“Яшел Башкортстан” акциясе тәүге тапкыр 2019 елның апрелендә үткән иде, анда 160 мең кеше катнашты.

https://omet-rb.rbsmi.ru/articles/bilgele-bilgesez-d-nya/agachlar-utyrtyyk-m-met-k-yazylyyk/

Читайте нас: