Ике ил башлыгы аралашты

Путин Макронны Төркия президенты Рәҗәп Эрдоган белән 22 октябрьдә Сочида узган очрашуның асылы белән таныштырган.

Русия лидеры очрашудан соң кабул ителгән карарларның ике як өчен дә отышлы, шулай ук Сүриянең суверенитетын һәм территориаль иминлеген тергезү өчен дә мөһим булуын белдергән. Франция президенты Русия һәм Төркия арасында ирешелгән килешүләрнең уңышлы булуын бәяләгән.

Ике дәүләт лидеры да Эрдоган белән төзелгән меморандумның Сүрия кризисы һәм бу төбәктәге хәлләрне җайга салуда уңай нәтиҗә бирәчәгенә ышаныч белдергәннәр.

Белүегезчә, 9 октябрьдә Төркия Сүриянең төньяк- көнчыгышында хәрби операцияләр башлаган иде.

В. Путин белән Р.Эрдоган очрашуыннан соң, Анкара хәрби хәрәкәтләрне туктатты.

#ВладимирПутин

https://omet-rb.rbsmi.ru/articles/s-yas-t/ike-il-bashlygy-aralashty/