Владимир Путин һәйкәл ачты

Русия Президенты Владимир Путин Чит ил эшләре министрлыгы бинасы янындагы скверда галим һәм сәясмән Евгений Примаковка һәйкәл ачу тантанасында катнашты. Примаковка 90 яшь тулыр иде.

Монументны Русия халык рәссамы Георгий Франгулян җитәкчелегендәге авторлар коллективы ясаган. Чит ил эшләре министрлыгы исә скульптураны эшләү башлангычын тәкъдим иткән. Мәгълүм булуынча, Евгений Примаков 1996 – 1998 елларда шушы министрлыкка җитәкчелек иткән.

Владимир Путин билгеләвенчә, Примаков һәрчак Русиянең милли мәнфәгатьләрен яклады, үз иленә тугры хезмәт итте, Русиядә дә, аннан читтә дә зур абруй казанды.

#ВладимирПутин

Киңкүләм мәгълүмат чараларыннан Римма Шамуратова хәзерләде.

Читайте нас: