-18 °С
Болытлы
75 лет Победы
Барлык яңалыклар
Гомуми мәкаләләр
5 декабрь 2019, 10:57

Бәйрәм көннәре күңелле узсын!

Яңа елга 3 атнадан артык кына вакыт калды. Якынлашып килгән бәйрәм кәефе сизелә башлады да инде. Уфаның төрле мәйданнарында чыршылар куйдылар, бәйрәм иллюминациясе урнаштырдылар.

Исегезгә төшерәбез: ел башында ук Радий Хәбиров Уфа һәм республиканың башка шәһәрләрен Яңа ел бәйрәменә аеруча истә калырлык итеп чагу бизәргә кирәк дигән иде. Бу шулай булачак та - Башкортстанның тугыз шәһәрендә Яңа ел иллюминациясенә барлыгы 115 млн сум акча тотынылачак.


Быел уфалылар һәм башкала кунаклары бөтен дөньяда танылган ут архитекторы һәм рәссам Италиядән килгән Валерио Фести булдырган композицияләрне күреп сокланачак. Аның хезмәтләре төрле елларда Париж, Стамбул, Мәскәү һәм башка шәһәрләрне бизәгән.


Республика башлыгы Радий Хәбиров сүзләренчә, бу кадәр гүзәллек бюджет исәбенә түгел, ә Башкортстанның эре бер предприятиесе исәбенә башкарылачак.


Бу уңайдан төбәк башлыгы үзенең социаль челтәрләрендә шундый пост язды: “Хәтерегездә булса, бу Яңа елда без шәһәрләребезне аеруча матур итеп бизәргә сүз куешкан идек. Уфа һәм Стәрлетамакта безгә бу эштә билгеле Festi Group компаниясе ярдәм итә. Бу компания зур бәйрәмнәрне, олимпиада ачышларын һәм башка шундый масштабтагы вакыйгаларны бизәү белән шөгыльләнә. Карагыз, ничек матур булачак! Тиздән Яңа ел кәефе барлыкка киләчәк”.
Читайте нас в