Коронавирус нинди температурада тиз үрчи?

Таҗлы вирус өчен иң уңай температура 4 градус тирәсе икән. Дезинфекция булмаганда 4 градус температурада аларның активлыгы 14 көннән соң азая башлый.

Ә 70 градуслы югары температурада COVID-19 вирусы 5 минут эчендә юкка чыга.

Моннан тыш коронавирусның төрле материалларда төрлечә саклануы билгеле. Кәгазьдә ул 3 сәгатьтән артык тора алмый. Киемдә һәм эшкәртелгән агачта – 2 көн, пыялада 4 көнгә кадәр саклана. Ә пластикта бу вирус озак – 7 көнгә кадәр яшәргә мөмкин. Шул кадәр үк ул медицина маскаларының тышкы өслегендә дә сакланырга мөмкин.