Үз-үзеңне тулысынча изоляцияләү турындагы указ үз көченә керде

Башкортстанда 2020 елның 31 мартында 20.00 сәгатьтә республика Башлыгы Радий Хәбировның гражданнарның үз-үзләрен изоляцияләү турындагы указы гамәлгә керде.

Башкортстан территориясендә яңа коронавирус инфекциясе таралу куркынычы белән бәйле рәвештә югары әзерлек режимы кертелде. Гражданнар яшәү (тору) урыны буенча үз-үзеңне изоляцияләү режимын үтәргә тиеш.

Өйдән бары тик аерым очракларда гына чыгарга мөмкин, болар:

- кешегә медиклардан ашыгыч, яки кичектергесез медицина ярдәме кирәк булган очракта;

- азык-төлек кибетенә, яки даруханәгә барганда 150 метрдан да артмаган юлга үзең белән паспорт алырга кирәк;

— йорт хайваннарын йорттан 100 метрдан да ерак булмаган урыннарда йөртү;

- калдыкларны якындагы контейнерга чыгарып ташлау.

Фото: bashinform.ru

Автор: Резида Валитова

https://kiziltan.rbsmi.ru/articles/budni/z-ze-ne-tulisincha-izolyatsiyal--turindagi-ukaz-z-k-chen-kerde-195251/

Читайте нас: