Узган тәүлектә коронавирустан үлүчеләр саны рекордка җитте

Бу хакта яңа коронавирус авыруы таралуын кисәтү буенча оператив штаб хәбәр итә.

“Соңгы тәүлек эчендә Русиянең 32 төбәгендә COVID-19-ны йоктыруның яңа 582 очрагын ачыклаганнар. Мәскәүдә — 434, Мәскәү өлкәсендә — 48”, — диелә хәбәрдә.

Шулай итеп, Русиянең 78 төбәгендә бүгенге көндә 4 731 коронавирус йоктыру очрагы рәсми расланган.

Штаб мәгълүматлары буенча, соңгы 24 сәгать эчендә 52 кеше дәваханәдән чыгарылган, аларның 26сы — Мәскәүдә. Гомумән алганда барлыгы 333 кеше коронавирусны җиңгән.

Әйткәндәй, коронавирустан үлүчеләр дә көннән-көн арта. Үлүчеләр саны - 43 кеше. Ә узган тәүлек эчендә бу сан рекорд дәрәҗәсенә җитте. Соңгы 24 сәгатьтә коронавирустан 9 кеше үлгән, аларның 7се — мәскәүлеләр.

Автор : Әлфия Шакирҗанова

Чыганак: news.mail.ru

Фото: Кирилл Зыков / АГН «Москва»

https://omet-rb.rbsmi.ru/articles/koronavirus/Uzgan-t-lekt-koronavirustan-l-chel-r-sani-rekordka-itte-202260/

Читайте нас: