“Катлаулы чорны лаеклы үтәргә кирәк”

Башкортстан Башлыгы Радий Хәбиров сәнәгать предприятиеләрендә һәм төзелеш тармагында коронавирус инфекциясе таралуга каршы тору буенча киңәшмә үткәрде.

Анда катнашучылар компанияләр тарафыннан санитария-эпидемиология таләпләрен үтәү, авыру чыганагы барлыкка килүгә юл куймау буенча тиешле кисәтү чараларын гамәлгә ашыру турында фикер алышты.
Республика Башлыгы ассызыклавынча, вице-премьер Ирек Сәгыйтов җитәкчелек иткән ведомствоара комиссия предприятиеләрдә санитария-эпидемиология таләпләрен үтәү дәрәҗәсен тикшерүне дәвам итә.
– Бу эш җитди нәтиҗәләрдән котылуга юнәлтелгән. Әлегә предприятиеләрдә авыру чыганагы тудырылуга юл куелмый, – диде Радий Хәбиров.
Киңәшмә барышында предприятие җитәкчеләре коронавирус таралуга юл куймауга карата күрелүче чаралар турында сөйләде. Радий Хәбиров төзелеш тармагы оешмаларына аерым игътибар бирергә кирәклеген ассызыклады.

Фото: сайт Главы РБ

Чыганак: https://kiziltan.rbsmi.ru/articles/budni/Katlauli-chorni-laekli-t-rg-kir-k-268726/

Читайте нас: