-14 °С
Кар
75 лет Победы
Барлык яңалыклар
Гомуми мәкаләләр
14 Май 2020, 16:40

Радий Хәбиров: "Без медицинаны әзерләдек һәм режимны йомшартырга мөмкин дип таптык"

13 майда Башкортстан Башлыгы Радий Хәбиров Беренче канал эфирында "Док-Ток" шоуында 12 майдан республикада үзизоляция режимын йомшартуга һәм халыкка урамда иркен йөрергә рөхсәт итү турында сөйләде.

"Үзизоляция, карантин чаралары чоры бик мөһим бурычларны хәл итәргә мөмкинлек бирде. Беренчесе - без медицинаны әзерләдек. Хәзерге вакытта койка фондының 70 проценты авыр авыруларны кабул итәргә әзер. Моннан тыш, ике атнадан 27 майда бик кыска вакытта - ике ай эчендә без 500 койкага исәпләнгән яңа үзәк төзүне тәмамлыйбыз. Госпиталь барлык кирәкле җайланмалар белән тулысынча җиһазландырылган.
Икенчесе - даими рәвештә тестлар санын арттырабыз. Хәзерге вакытта тестлау күләме буенча Русиядә - 5-6нчы урында һәм Идел буе федераль округында 1нче урында торабыз.

Күп тест үткәрәбез һәм күп ачыклыйбыз, шуңа күрә бездә ачыклану проценты шактый югары. Моннан тыш, без эпидтикшеренүләр протоколлары нәтиҗәләре буенча контакт төркеменә эләгүчеләрнең өйдә утыруына һәм, димәк, инфекцияне бер-берсенә тапшырмауларына ирештек. Моның өчен алар артыннан күзәтчелек алып бардык. Шулай ук, авыручыларга кан плазмасы куллану практикасын башладык. Кичә моның ярдәмендә шактый авыр авыру табибка үпкәләрнең ясалма вентиляциясе туктатылды. Шуңа күрә медицинаны әзерләгәннән һәм, бик мөһим булганнан чыгып, режимны йомшартырга мөмкин дип таптык. Коронавируска каршы көрәштә инфекционистлар гына түгел, башка профиль табиблары да катнаша бит", - дип билгеләп үтте республика җитәкчесе.

"Сезнең Республика клиник дәванәсендә изоляциядә утырган баш табибыгызга күп сәлам. Без барыбыз да барлык табибларга да теләктәшлек белдерәбез. Шуңа күрә аларга зур сәлам", - диде медицина фәннәре докторы, телевидение алып баручысы Елена Малышева.
Чыганак: https://kiziltan.rbsmi.ru/articles/budni/Radiy-H-birov--Bez-meditsinani-zerl-dek--m-regimni-yomshartirga-m-mkin-dip-taptik-267998/
Читайте нас в