Бала тәрбияләүче пенсионерларның акчалары артачак!

Русия Президенты Владимир Путин мотлак пенсия страховкасы турындагы Законга үзгәрешләр кертте. Алар 2020 елның 1 июлендә гамәлгә керергә тиеш. Хәзер бала тәрбияләүче, яки опекунлыкка алучыларның страховка пенсияләре индексацияләнеп, артырга тиеш. Бу хакта тулырак – сайтта!

Әлеге үзгәреш тәрбиягә бала алган пенсионерларга кагыла. Алар эшләүче кешеләр хокукларыннан файдалана.

Русия Пенсия фонды хезмәткәрләре әлеге вакытта бала тәрбияләгән, яки опекунлыкка алган пенсионерлар исемлеген яңарту белән мәшгуль. Өстәмә акчаны алу өчен пенсионерларга гариза язарга туры килмәячәк. Бу автоматик рәвештә эшләнә. Русия Пенсия фондының Башкортстан буенча бүлекчәсе җитәкчесе Фоат Хантимеров белдерүенчә, әлеге индексация акчаларын тәрбиягә бала алган 1336 пенсионер алырга тиеш. Республикада шушы максатларга 35 миллион сумнан артык акча бүленәчәк. Шулай итеп, кесәләрегезне әзерли башласагыз да була.

Фото: Borvedomosti.ru

Чыганак: https://tulpar.rbsmi.ru/news/Bala-t-rbiyal-che-pensionerlarni-akchalari-artachak-287492/

Читайте нас: