-3 °С
Кар
Барлык яңалыклар
Икътисад
19 февраль 2021, 11:25
Азык – төлеккә хаклар янә күтәрелде
Башстатат белдерүенчә, атна дәвамында кишер һәм бәрәңге бәясе 7,4 һәм 5,1 процентка күтәрелгән.
Бер килограмм кишер хәзер республикада яшәүчеләргә уртача 31 сум, бәрәңге - 29 сумга төшәчәк. Бу статистика комитеты исәпләве буенча, әлбәттә. Чынында, хаклар аннан да югарырак. Суган һәм яңа кыярлар шулай ук төбәктәге иң кыйммәтле продуктларның бишлегенә керде. Аларның хакы атна эчендә 3,6 һәм 3,3 процентка күтәрелгән. Башкортстанда суганның уртача бәясе хәзер килограммына якынча 27 сум, кыяр - 180 сум. Безнең илдә уртача дигән төшенчәне хәзер барыбыз да яхшы аңлый инде. Хезмәт хакына килгәндә ул уртачадан түбәнрәк була, азык – төлеккә килгәндә уртачадан һәрчак югары була.
Беренче бишлек каты һәм йомшак сырлар белән ябыла. Бу атнада аларның бәясе 2,1 процентка күтәрелеп, килограммы 546 сумга җитте.
Кыйммәтләнгән ризыклар исемлегенә шулай ук: алма, каймак, карамель, тавык ите, тары, маргарин, йомырка, арыш һәм бодай икмәге, туңдырылган балык, бөтен стерилизацияләнгән һәм пастеризацияләнгән сөт, консервланган балалар ризыгы, сыер ите, карабодай һәм он керә.
Чыганак: https://omet-rb.rbsmi.ru/articles/s-yas-t-m-iktisad/Azik--t-lekk-haklar-yan-k-t-relde-684292/
Фото: Башинформ
Читайте нас:
© 2024 "Безнең дәвер" Миякә районы муниципаль районның иҗтимагый-сәяси гәзите сайты
Телефон
8(34788)2-10-84
Электрон почта
Адресы
Миякинский район, село Киргиз-Мияки, ул. Ленина, 19.
Реклама хезмәте
8(34788)2-10-87
Редакция
8(34788)2-17-84