Бензин бәясен көйлиләр

Быел бензин бәясе шактый артырга мөмкин, дип язган идек...

1 майдан Русиядә ягулыкка бәяләрне киметү механизмы (демпфер) эшли башлаячак. Бу хакта Русия вице-премьеры Александр Новак белдерде.

«Русия Финанс министрлыгы тиешле закон проектын әзерли. Бу механизм 2021 елның 1 маеннан ваклап сатуда табыш алу һәм АЗСларда бәяләрнең тотрыклылыгын саклап калу максатына хезмәт итәчәк ", — диелә Русия Министрлар кабинеты матбугат хезмәте хәбәрендә.

Демпфер механизмы түбәндәгечә эшли: әгәр ягулыкка экспорт бәяләре эчке базардагыга караганда югарырак икән, Хөкүмәт җитештерүчеләргә бу аерманың бер өлешен компенсацияли. Әгәр эчке бәяләр югарырак икән, нефтьчеләр акчаның бер өлешен дәүләткә кайтара.

Фото:kama24.ru

Чыганак: https://kiziltan.ru/articles/ekonomika/Benzin-b-yasen-k-ylil-r-718296/

Читайте нас: