-15 °С
Болытлы
75 лет Победы
Барлык яңалыклар
Мәдәният
22 Май 2020, 22:20

"Танып" шифаханәсендә концерт оештырылды

Туган Башкортстанга Якутиядән вахтачылар кайтуын дәвам итә. Алар өчен Башкортстан хакимияте тарафыннан обсерваторлар оештырыла. Анда килгәннәр тулы тикшеренү уза һәм ял итә. Шундый обсерваторларның берсе Башкортстанның матур почмакларының берсе булган Аскын районының "Танып" шифаханәсе базасында урнашкан.

10 майда бирегә башта - 140, соңрак тагын 60 вахтачы кайтарыла. Алар барлык кирәкле медицина процедураларын үтте, коронавируска анализлар бирде.
— Номерларда яшәү өчен кирәкле барлык уңайлыклар да бар — санузел, душ, телевизор, гигиена чаралары. Тулы кыйммәтле сәламәт туклану рационы оештырылды. Кунакларга күңелсез булмасын һәм алар буш вакытын файдалы үткәрә алсын өчен китап укырга, шахмат уйнарга мөмкин һәм башка бик күп нәрсәләр булдырылды. Моннан тыш, якташларыбызга концерт оештырылды, — дип сөйли "Танып" шифаханәсе директоры Кәшшаф Ямалетдинов.
Корцерны үз номерларының балконнарыннан караган вахтачыларга чара бик ошаган. Тиздән алар өчен 2 атналык карантин тәмамланачак һәм, әгәр яхшы кәеф һәм COVID-19га тискәре анализлар алынса, вахтачылар, ниһаять, өйләренә кайтачак.
Фото: mgazeta.com сайтыннан, Ильмира Шайхулова, Молодежная газета.
Чыганак: https://kiziltan.rbsmi.ru/articles/kultura/Tanip-shifahan-send-kontsert-oeshtirildi-283250/
Читайте нас в