+13 °С
Болытлы
Барлык яңалыклар
Мәдәният
25 август 2020, 14:25
“Май чүлмәге тышыннан билгеле”
Миякә районының Әнәч авылында яшәүче Гөлсинә Хәсәнова турында якташлары шулай ди.
Без көн саен диярлек “вакыт юк”, “бернигә өлгермим” дигән сүзләрне ишетергә күнеккәнбез. Шулай булуга карамастан, арабызда салмак кына атлап, үз сукмагыннан барган, дөнья көткән, балалар үстергән, барына канәгать булып, иҗатка да вакыт тапкан кешеләр дә бар. Алар — бу тормышта үз юлын тапканнар. Нәкъ менә шундый кешеләр белән булган очрашулардан соң күңелдә җылы тойгылар уяна. Миякә районының Әнәч авылында яшәүче Гөлсинә Хәсәнова да шундыйлардан.
“Май чүлмәге тышыннан билгеле”, ди безнең халык. Хәсәновлар яшәгән йортның урам капкасын ачып керүгә үк монда матурлыкны яраткан, уңган, тырыш кешеләр яшәгәнлегенә инандым: бар җирдә тәртип, пөхтәлек, чәчәкләр арасына чумып утырган, зәвык белән төзелгән йорт-кура.
Гөлсинә Рәсим кызы үз куллары белән матурлык тудыручы һәм шул матурлыкны башкаларга да күрә белергә һәм тудырырга ярдәм итүче. Ул Миякә балалар сәнгать мәктәбенең Әнәч авылындагы филиалында рәсем һәм декоратив-гамәли сәнгать дәресләре укытучысы.
— Рәсем ясауга сәләтем картәтидән килә. Аның махсус белеме булмаса да, ул клубта рәссам булып эшләде. Рәсем төшерергә балачактан яраттым. Шуңа күрә туган авылым Яңа Ишле мәктәбендә сигез ел белем алганнан соң Стәрлетамак педагогия колледжының сәнгать графикасы факультетына укырга кердем. Аны тәмамлаган елны Миякә балалар сәнгать мәктәбенең Әнәч авылында филиалы ачылды. Мин юллама буенча туган районыма кайттым. Бу 1997 ел иде. Менә шул вакыттан бирле эш кенәгәмдә бер генә язу — инде 23 ел яраткан һөнәрем буенча хезмәт куям. Эшемне яратам һәм бар күңелемне биреп башкарам. Укучыларым рәсем төшерүдән тыш, балчык, пластилин, һавалы пластилиннан төрле сувенирлар, кул эшләре ясый. Район, республика дәрәҗәсендәге конкурсларда даими катнашабыз. Мәктәп, китапханәдә үткәрелгән бер генә чара да безнең балаларның кул эшләре, рәсем күргәзмәләреннән башка үтми дисәм — арттыру булмас, — ди Гөлсинә Хәсәнова.
Гөлсинә Рәсим кызы авыл җирендәге кырык эшне кырык якка ташлап, иҗтимагый тормышта да актив катнаша. Авылдашлары аңа авыл Советы депутаты йөген тартуны да ышанып тапшырган.
Могҗизалы рәсем сәнгате серләренә төшендерүче укытучы городец һәм хохлома юнәлешендә рәсем ясарга, бәйләргә дә ярата. Гөлсинә Хәсәнова, шулай ук, уңган хуҗабикә дә. Аның бакчасы аллы-гөлле чәчәкләргә күмелгән, үзе үстергән җиләк-җимешләрдән кышкылыкка төрле ризыклар хәстәрләргә дә оста. Тормыш иптәше Флүр Рим улы белән ихата тутырып мал-туар, кош-корт та асрый алар.
Бу тату, күркәм гаиләдә ике кыз бала дөньяга килгән. Өлкән кызлары Эльмира Казан федераль университетында укый. Ә инде төпчекләре Зарина сигезенче сыйныфны тәмамлаган.
Янәшәбездә Гөлсинә Хәсәнова кебек үзе салган сукмактан салмак кына, ныклы адымнар белән атлый белүчеләр булганда, яшәүгә дәрт, көч өстәлә.
“Май чүлмәге тышыннан билгеле”, ди безнең халык. Хәсәновлар яшәгән йортның урам капкасын ачып керүгә үк монда матурлыкны яраткан, уңган, тырыш кешеләр яшәгәнлегенә инандым: бар җирдә тәртип, пөхтәлек, чәчәкләр арасына чумып утырган, зәвык белән төзелгән йорт-кура.
Гөлсинә Рәсим кызы үз куллары белән матурлык тудыручы һәм шул матурлыкны башкаларга да күрә белергә һәм тудырырга ярдәм итүче. Ул Миякә балалар сәнгать мәктәбенең Әнәч авылындагы филиалында рәсем һәм декоратив-гамәли сәнгать дәресләре укытучысы.
— Рәсем ясауга сәләтем картәтидән килә. Аның махсус белеме булмаса да, ул клубта рәссам булып эшләде. Рәсем төшерергә балачактан яраттым. Шуңа күрә туган авылым Яңа Ишле мәктәбендә сигез ел белем алганнан соң Стәрлетамак педагогия колледжының сәнгать графикасы факультетына укырга кердем. Аны тәмамлаган елны Миякә балалар сәнгать мәктәбенең Әнәч авылында филиалы ачылды. Мин юллама буенча туган районыма кайттым. Бу 1997 ел иде. Менә шул вакыттан бирле эш кенәгәмдә бер генә язу — инде 23 ел яраткан һөнәрем буенча хезмәт куям. Эшемне яратам һәм бар күңелемне биреп башкарам. Укучыларым рәсем төшерүдән тыш, балчык, пластилин, һавалы пластилиннан төрле сувенирлар, кул эшләре ясый. Район, республика дәрәҗәсендәге конкурсларда даими катнашабыз. Мәктәп, китапханәдә үткәрелгән бер генә чара да безнең балаларның кул эшләре, рәсем күргәзмәләреннән башка үтми дисәм — арттыру булмас, — ди Гөлсинә Хәсәнова.
Гөлсинә Рәсим кызы авыл җирендәге кырык эшне кырык якка ташлап, иҗтимагый тормышта да актив катнаша. Авылдашлары аңа авыл Советы депутаты йөген тартуны да ышанып тапшырган.
Могҗизалы рәсем сәнгате серләренә төшендерүче укытучы городец һәм хохлома юнәлешендә рәсем ясарга, бәйләргә дә ярата. Гөлсинә Хәсәнова, шулай ук, уңган хуҗабикә дә. Аның бакчасы аллы-гөлле чәчәкләргә күмелгән, үзе үстергән җиләк-җимешләрдән кышкылыкка төрле ризыклар хәстәрләргә дә оста. Тормыш иптәше Флүр Рим улы белән ихата тутырып мал-туар, кош-корт та асрый алар.
Бу тату, күркәм гаиләдә ике кыз бала дөньяга килгән. Өлкән кызлары Эльмира Казан федераль университетында укый. Ә инде төпчекләре Зарина сигезенче сыйныфны тәмамлаган.
Янәшәбездә Гөлсинә Хәсәнова кебек үзе салган сукмактан салмак кына, ныклы адымнар белән атлый белүчеләр булганда, яшәүгә дәрт, көч өстәлә.
Чыганак: https://kiziltan.rbsmi.ru/articles/kultura/May-ch-lm-ge-tishinnan-bilgele-423428/
Читайте нас:
© 2024 "Безнең дәвер" Миякә районы муниципаль районның иҗтимагый-сәяси гәзите сайты
Телефон
8(34788)2-10-84
Электрон почта
Адресы
Миякинский район, село Киргиз-Мияки, ул. Ленина, 19.
Реклама хезмәте
8(34788)2-10-87
Редакция
8(34788)2-17-84