-11 °С
Болытлы
75 лет Победы
Барлык яңалыклар
Мәгариф
20 декабрь 2019, 10:43

“Милли мәктәпләр начар хәлдә булырга тиеш түгел!”

Зур матбугат конференциясендә Владимир Путин алтай телен өйрәтә торган бердәнбер мәктәпне саклап калырга һәм тергезергә вәгъдә бирде.

Русия Президенты Владимир Путин алтай теленә, шул исәптән Тау-Алтай мәктәбенә ярдәм итәргә вәгъдә бирде.
Алтай Республикасы журналисты Владимир Путинның зур матбугат конференциясе барышында алтай халкын борчыган мәсьәләне күтәрде. Ул алтай теле өйрәнелүче бердәнбер мәктәпнең арендаланган бинада урнашуына зарланды.
— Алтай теле борынгы төрки телләргә карый. Бу, асылда, башка төрки телләрнең базасы... Без, гомумән, милли мәдәниятләрне, гореф-гадәтләрне, телләрне өйрәнүгә күбрәк игътибар бирергә тиеш. Ә инде милли телдә белем бирүче мәктәпнең начар хәлдә булуы, бу, әлбәттә, ярыйсы эш түгел, – диде Путин.
"Сез миннән мәктәпне саклап калырга һәм тергезергә ярдәм сорыйсыз. Вәгъдә бирәм — без моны эшләрбез", - дип өстәде ул.
https://kiziltan.rbsmi.ru/articles/obraz/Milli-m-kt-pl-r-nachar-h-ld-bulirga-tiesh-t-gel-46815/
#ВладимирПутин
Читайте нас в