-15 °С
Болытлы
75 лет Победы
Барлык яңалыклар
Милли проектлар
10 апрель 2020, 14:25

Республикада ясалма сулыш алдыру аппараты 17гә артты

Уфа дәваханәләренә 17 яңа ясалма сулыш алдыру аппараты кайтты. Аларның бишесе Дема клиник дәваханәсенә озатылды.

Анда 30 марттан башлап коронавирус белән авыручылар өчен госпиталь эшли башлады. Тагын биш аппарат - 8 санлы шәһәр дәваханәсенә, икесе инфекцияләр дәваханәсенә бирелде. Калган биш ИВЛ аппаратын балалар дәваханәләренә бирәчәкләр. Әлеге бер аппаратның уртача хакы – 3 млн сумга якын. Барлыгы республикага 143 аппарат кайтырга тиеш.
Максим Забелин сүзләренә караганда, Башкортстан дәваханәләрендә 700гә якын ясалма сулыш алдыру аппараты бар.
Болар барысы да Владимир Путин тарафыннан билгеләнгән “Сәламәтлек саклау” милли проектын тормышка ашырырга булышлык итә.
Дема дәваханәсенең баш табибы Фәнилә Шәмигулова сүзләренә караганда, яңаларын да исәпкә алып, ИВЛ аппаратларының гомум саны 27гә җиткән.
Әле бу медучреждениедә COVID 19 диагнозы расланган өч авыру дәвалана. Шуларның берсе ИВЛга тоташтырылган.
Чыганак: gtrk.tv

Автор : Ибрагимова Эльмира
https://omet-rb.rbsmi.ru/articles/milli-proektlar/Respublikada-yasalma-sulish-aldiru-apparati-17g-artti-211904/
Читайте нас в