Уфада юллар ремонтлана

Башкалабыз Уфада "Хәвефсез һәм сыйфатлы автомобиль юллары" гомумдәүләт проекты кысаларында эшләрне гамәлгә ашыру дәвам итә. Бүген Комсомол урамын реконструкцияләү расланган график буенча алып барыла. Анда эшләр 2021 ел ахырында тәмамланачак.

- Хәзерге вакытта Һалле шәһәре исемендәге урамнан Һәдия Дәүләтшина бульварына кадәр яңгыр суларын агызу коллекторын төзү эшләре башкарылды. Күп эшләр төгәлләнде инде, - диде участок начальнигы Алексей Федотов. - Һәдия Дәүләтшина бульварыннан алып Һалле шәһәре исемендәге урамга кадәр гамәлдәге юл өслеген һәм иске катламын сүтү эшләре башланды.

Бүген Уфада гомумдәүләт проекты кысаларында башка объектларда да эшләр дәвам итә: Воровский һәм Валерий Лесунов урамнары, Баландин бульвары аша яңа күпер төзелә, 8 Март урамы реконструкцияләнә һәм Мостай Кәрим урамына капиталь ремонт ясала.

Быелгы юл-төзелеш сезонында гомум озынлыгы 21 километр чамасы булган урам-юл челтәренең 22 участогы норматив халәтенә китереләчәк.

#национальныепроекты;
#нацпроекты;
#региональныепроекты;
#регпроекты;
#нацпроектыБашкортостан;
#ВладимирПутин

Фото: Уфа шәһәре хакимияте сайтыннан.

Автор: Фануз Хабибуллин

https://kiziltan.rbsmi.ru/articles/nacproekty/Ufada-yullar-remontlana-231919/

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?