Шикәрдән баш тарту да чиргә китерә

Диетолог Елена Толоконникова әйтүенчә, шикәрдән тулысынча баш тарткан кешеләрнең бавыр, талак белән проблемалары килеп чыга, артрит һәм тромбоз башлануы ихтимал, андыйлар депрессиядән интегә.

Шикәр булмаса, баш мие начар эшли, хәтер начарая. Табиб әйтүенчә, шикәр күп була дип куркучылар төшке аштан соң бер кисәк шикәр кабып куярга мөмкин. Тазарам дип куркучылар исә зефир, цукатны куллана ала.

Әгәр инде шикәрне бөтенләй кулланмыйм, дисәгез, составында шикәр булган яшелчәләр ашагыз. Мәсәлән, татлы борыч, чөгендер, чәчәк кәбестә һәм иң кызыгы - башлы суган.

Киңкүләм мәгълүмат чараларыннан Римма Шамуратова хәзерләде.