-13 °С
Болытлы
75 лет Победы
Барлык яңалыклар
Сәламәтлек сагы
3 апрель 2020, 11:50

Коронавирус үзе кайчан үлеп бетәчәк?

Инфекционист әйтүенчә, киләсе атнада вирусның таралуы иң югары ноктасына җитәчәк.

Русия Федераль медицина-биология агентлыгының (ФМБА) баш инфекционисты Владимир Никифоров, Русиядә коронавирус инфекциясенең таралуы җәйгә тәмамланачак, дип саный. Бу хакта ул федераль каналның ток-шоу эфирында белдерде. Инфекционист белдерүенчә, вирусның иң көчле таралу чоры әле үтелмәгән. "Җәйгә таба вирусның таралуы тулысынча юкка чыгачак", - дип белдерде инфекционист. Никифоров сүзләренчә, Русиядә COVID-19 таралуның иң югары ноктасы киләсе атнада булачак. Вирусның ничек таралуын исәпкә алсак, ул 10-12 көннән генә "көчен" югалта башлый. 2 апрельгә Русиянең 76 төбәгендә COVID-19 йоктыруның 3548 очрагы теркәлгән. Башкортстанда инфекциялеләр саны 10 кешегә кадәр артты, шуларның икесе савыкты.
Фото: ria.ru

Автор: Гөлия Мөгаллимова

https://kiziltan.rbsmi.ru/articles/budni/Koronavirus-ze-kaychan-lep-bet-ch-k-199225/

Читайте нас в