-25 °С
Болытлы
75 лет Победы
Барлык яңалыклар
Сәламәтлек сагы
8 Май 2020, 19:45

Радий Хәбиров: “Алар безнең кешеләр, без аларны яхшырак дәвалаячакбыз”

Башкортстан Башлыгы Радий Хәбиров Әбҗәлил районындагы “Березки” ял йорты базасындагы обсерватор территориясендә булды.

Әле анда Якутиядәге Чаянда нефть-газ чыганагыннан кайткан 400ләп вахтачы урнаштырылган.
Вахтачыларны Магнитогорск аэропортында каршы алып, барлык тиешле санитар чараларны үткәрделәр, коронавируска тестлар алдылар. ОРВИ билгеләре булган бер кешене изоляцияләп, дәваханәгә озаттылар. Соңрак ковид-19 ике вахтачыда расланды, аларны һәм алар белән яшәгән дүрт кешене дә кичекмәстән госпитализацияләделәр.
Вахтачылар биш корпуста, бер бүлмәдә ике-өч кеше урнаша. Һәр номерда уңайлы шартлар тудырылган: душ, мебель, телевизор, электр чәйнеге.
Радий Хәбиров вахтачылар белән аралашты, аларның көнкүреш шартлары белән кызыксынды.
– Без үз кешеләребезне Якутиядән чыгаруны дәвам итәбез. Якын арада коронавируска тест нәтиҗәсе тискәре булганнар кайтачак, – диде республика җитәкчесе. – Ләкин безгә әле коронавирус расланганнарны кайтарырга рөхсәт итмиләр. Ләкин без аларны кайтару җаен табачакбыз. Алар безнең кешеләр һәм без аларны яхшырак дәвалаячакбыз.
https://kiziltan.rbsmi.ru/articles/zdorovie/Radiy-H-birov--Alar-bezne-keshel-r-bez-alarni-yahshirak-d-valayachakbiz-258648/
Читайте нас в