"Июль башына коронавирус турында онытачакбыз!"

Русиядә коронавирус белән хәл июль аена җайга салынырга мөмкин, дип фаразлый Сәламәтлек саклау министрлыгының баш инфекционисты Елена Малинникова.

- Мин июль аена без "карантин" төшенчәсен кулланмасбыз дип уйлыйм. Июльгә сез безне онытачаксыз һәм безне чакырмаячаксыз, - диде Малинникова Беренче каналдагы " Док-ток " тапшыруы эфирында.

Ул билгеләп үткәнчә, Русиядә авыручылар саны кимү тенденциясе бара, хәтта якын арада кайдадыр инфекция учагы кабынса да, ул зур булмаячак.

Соңгы мәгълүматларга караганда, Русиядә к-вирусның барлыгы 290 678 очрагы ачыкланган. 2722 пациент вафат булды, 70 меңнән артык кеше савыкты.

Фото: "Риа Новости" сайтыннан.

Чыганак: https://kiziltan.rbsmi.ru/articles/zdorovie/Iyul-bashina-koronavirus-turinda-onitachakbiz-276585/

Читайте нас: