Радий Хәбиров үзизоляцияләүне йомшартуга юнәлтелгән указга кул куйды

Башкортстан Башлыгы Радий Хәбиров коронавирус таралу куркынычы белән бәйле рәвештә югары әзерлек режимы турындагы указга үзгәрешләр кертте. Алар төбәктә үзизоляция чараларын йомшартуга юнәлтелгән.

Аерым алганда, халыкка шәһәр буйлап ирекле хәрәкәт итү рөхсәт ителә, шул исәптән машинада махсус порталда өстәмә теркәлү кирәк түгел. Шул ук вакытта яшәү урыныннан читтә социаль дистанцияне 1,5 метрдан да ким булмаган килеш сакларга, битлекләр киеп йөрергә, ә җәмәгать урыннарында, транспортта һәм таксида шулай ук перчаткалар кулланырга кирәк. 17 яшькә кадәр балалар әти-әниләреннән башка 20:00дән 14:00гә кадәр урамда йөрергә тиеш түгел, ә 65 яшьтән өлкәнрәк кешеләр - 18:00дән 6:00гә кадәр. Үзизоляцияләүнең мәҗбүри режимы COVID-2019 белән авыручы белән контактта булган; "дәваханәдән тыш үпкә ялкынсынуы" диагнозы, ОРВИ симптомнары булган 65 яшьтән өлкәнрәк кешеләргә һәм алар белән бергә яшәүче гражданнарга; хроник авырулары булган; чит илдән, Мәскәүдә һәм коронавирус инфекциясе буенча имин булмаган башка төбәкләрдә; шулай ук социаль учреждениеләрдә булган кешеләргә карата саклана. Эшчәнлекләре тыела: - төнге клублар (дискотекалар), кинотеатрлар, театрлар, музейлар, түгәрәкләр, секцияләр, балалар өчен уен бүлмәләре һәм күңел ачу үзәкләре, башка ял итү йортлары; - спорт заллары, секцияләр, фитнес-үзәкләр, аквапарклар, йөзү бассейннары һәм башка физик культура һәм спорт объектлары; - сәүдә-күңел ачу үзәкләреннән, аларның территорияләрендә урнашкан даруханәләрдән, азык-төлек продуктлары, беренче ихтыяҗ булган товарлар, төзелеш һәм хуҗалык товарлары, элемтә салоннары, күпфункцияле үзәк, шулай ук зоомагазиннардан тыш; - мунча һәм сауналар; - азык-төлек булмаган товарлар, шул исәптән сәүдә үзәкләрендә урнашкан сәүдә объектлары, аерым тышкы урам ишекләре булганнардан тыш. Шул ук вакытта сәүдә залында бер үк вакытта 50 квадрат метрга кадәр мәйданда биш кеше булырга тиеш түгел; 10 кеше - 100 квадрат метрга кадәр мәйданда; 25 кеше - 200 квадрат метрга кадәр мәйданда; 200 квадрат метрдан артык булган мәйданда - 50 кеше. "Башавтотранс" предприятиесе һәм пассажирлар ташучы шәхси предприятиеләр һәр автотранспортны (салонда пассажирлар саныннан чыгып) дезинфекция ясау чаралары белән тәэмин итәргә тиеш. Идарәче компанияләр ачык киңлекләрдә һәм күпфатирлы торак йортларда дезинфекция чараларын үткәрү буенча тәкъдимнәрне һичшиксез үтәргә тиеш, шул исәптән даими рәвештә гомуми файдалану урыннарында - подъездлар, тамбурлар, холлар, коридорлар, лифт холлары һәм кабиналары, баскыч мәйданчыклары һәм маршлары, чүп үткәргечләрдә - дезинфекция үткәрергә тиеш. Муниципалитетлар 12 майдан парклар, скверлар, аллеялар, балалар һәм спорт мәйданчыкларын ачу турында карар кабул итәргә, шулай ук аларда гражданнарның үз-үзләрен тоту кагыйдәләрен билгеләргә тиеш.

Фото: glavarb.ru

Автор: Фануз Хабибуллин

https://kiziltan.rbsmi.ru/articles/politika/Radiy-H-birov-zizolyatsiyal-ne-yomshartuga-yun-ltelg-n-ukazga-kul-kuydi-264257/

Читайте нас: