+17 °С
Болытлы
Барлык яңалыклар
Сәясәт
22 Май 2020, 22:10

Иҗтимагый оешмалар гомумрусия тавыш бирүен күзәтү өчен берләшә

21 майда Русия Үзәк сайлау комиссиясе Конституциягә төзәтмәләр буенча тавыш бирүгә әзерлекне тәэмин итү карарын бастырды. Комиссиядә гомумхалык тавыш бирүен әзерләүгә бер айдан да кимрәк вакыт кирәк булачак һәм ул Президент указында билгеләнгән датада узачак, диелә. Барлык бу белдерүләр илдә эпидемия ситуациясен тотрыкландыру һәм кайбер чикләү карантин чараларын бетерү фонында мөмкин булды.

Шул ук вакытта республиканың Иҗтимагый палатасы тавыш бирүнең барышына җәмәгать контролен оештыру буенча тулы көченә эш алып бара. Оешма рәисе Ольга Панчихина хәбәр итте: "Башкортстан Иҗтимагый палатасы 22 иң эре иҗтимагый берләшмә белән килешү төзеде. Иҗтимагый, сәяси оешмалар вәкилләре дә, физик берәмлекләр дә күзәтүче була ала".
Конституция буенча гомумрусия тавыш бирүенең барышын иҗтимагый контроль кайбер сәяси партияләр вәкилләре дә тәэмин итәчәк. "Русия патриотлары" сәяси партиясенең Башкортстан төбәк бүлеге комитеты рәисе Заһир Хәкимов болай дип хәбәр итте: "Русия патриотлары" партиясе бер ай элек Иҗтимагый палата белән килешүгә кул куйды һәм хәзер безнең активистлар (ә безнең республиканың барлык шәһәрләрендә һәм район үзәкләрендә вәкилләребез бар) Конституциягә төзәтмәләр буенча халык арасында аңлату эшләре алып баралар. "Русия патриотлары" төзәтмәләр мөһим, актуаль, дип саный".
Кайбер федераль мәгълүмат агентлыклары Конституциягә төзәтмәләр буенча тавыш бирү 24 июньдә яки 8 июльдә булырга мөмкин, дип хәбәр иткән иде. Бу мәсьәлә буенча ахыргы карар әле кабул ителмәгән.
Фото: op.bashkortostan.ru
Чыганак: https://kiziltan.rbsmi.ru/articles/politika/I-timagiy-oeshmalar-gomumrusiya-tavish-bir-en-k-z-t--chen-berl-sh-283875/
Читайте нас: