-4 °С
Кар
Барлык яңалыклар
Новости
10 август 2020, 10:30

Лилияне күрмәдегезме?

2 августтан республикада Миякә районының Кыргыз-Миякә авылыннан югалган 26 яшьлек Лилия Кулыеваны эзлиләр.

Ул кичен бер пижамада юкка чыккан.

Лилиянең туганы Розаның сүзләренә караганда, кызның психик тайпылышлары бар, ул сәдака сорарга, булмаганны уйлап чыгарырга, үзен башка исемнәр белән таныштырырга мөмкин.

- Ул Лилия Кулыева урынына үзен "Лаврентьева Лилия Андреевна" дип таныштыра ала. 3 августта иртәнге сәгать 8дә аны Бишбүләк районының Кыңгыр-Мәнәвез авылы янында күргәннәр. Шул ук кешеләр аңа охшаган кызны Бишбуләк-Ает юлында күргән. Янәсе, ул урманнан чыккан, үзе белән кара рюкзак булган, - ди апасы.

Шулай ук Лилиянең Татарстанга барырга теләге дә булган. Кыз медицина ярдәменә мохтаҗ, шуңа күрә туганнары аны барлык ысуллар – волонтерлар, полиция аша һәм мөстәкыйль рәвештә эзли.

Билгеләре: буе - 158 см, чандыр гәүдәле, чәчләре озын, күзләре кара.

Әгәр сездә аның кайдалыгы турында мәгълүмат булса, 89273316696, 89674567318 телефоннары буенча хәбәр итүегезне сорыйлар.

Фото: kp.ru
Чыганак: https://kiziltan.rbsmi.ru/articles/khokuk/Liliyane-k-rm-degezme-402442/
Читайте нас: